اوز اگر وئرمز بیزه، بیر وجهی واردیر، اول پری

دورد مئی تا واردیر، بیز درد عالم چکمه ریک،
دولت پیر مغاندان محنت و غم چکمه ریک.
ایبتیلای فقردن یوز ذوقولذت گؤرموشوک،
بیز بو عالمده صفانی شاه دن کم چکمه ریک.
گوشۀ میخانه ده بسدیر بیزه سینمیش سفال،
منت جمشید و فکر ساغر جمع چکمه ریک.
گر نیها ل آاریزوموز ریشه سیندن خشک اولا،
منتی – باران و فیض چشم پرنم چکمه ریک.
یانسا دل، خاک اولسا تن، ای شمع سوز عشق دن،
دودوموز چیخماز بیزیم، آه دمادم چکمه ریک.
گندوم خالین گؤروب جنّتدن ال چکمز او کیم،
بیز اونون آدینی بو عالمده آدم چکمه ریک.
اوز اگر وئرمز بیزه، بیر وجهی واردیر، اول پری،
سیّدا، بیز سن کیمی رخسار درهم چکمه ریک.