فلک جفاسی بو گونده دئگیل سنه، سیّد،

گرکدی کیم، سالا حال اهلینی بلایه فلک،
وئریر هزار بلا مرد موبتلایه فلک.
اگر کی، بیر بیرینه مهربان اولا ایکی کس،
سالار بلا و غم و فرقتی آرایه فلک.
همیشه گردشی کام اهلینی ائدر ناکام،
نه شاهه کام وئریب، نه کمین گدایه فلک.
گرکدی یوسفی یعقوب دن جدا قیلسین،
دیار میصرده ساتسین کم بهایه فلک.
حسدله عاشیقی معشوق دن جدا ائیلر،
کئچیردی باشینی عشق اهلی نین جیدایه فلک.
گولو الیندن آلیب بیقرار شوغل و لیک
گتیردی بولبول شیدا کیمی نوایه فلک.
فلک جفاسی بو گونده دئگیل سنه، سیّد،
ازلده عادت ائدیب جورایله جفایه فلک.