سیّد، غبار مقدمی اول سرو قامتین

ای ساریبان، قطاریمیزی کوی یاره چک،
رحم ائت، بو داغیدارلری لاله زاره چک.
ای باد شورته، لطف و مروت زامانیدیر،
بو بهردن سفینه میزی بیر کناره چک.
ای ناخدا، خدایه قسم، بو سفینه نی،
یاریم اولان دیاری سوروش، کوی یاره چک.
اول خیضر خط گئدیب خزری لر دیارینا،
خیضر ره اول، بیزی دخی سن اول دیاره چک.
ای چرخ، ائدیب او ماه ایله روشن مقامیمیز،
بیت الشرفع حواله سینه بیر ستاره چک.
اغیارایله شراب ایچیب اول سرو لاله روخ،
آز داغ تازه دن بو دل داغداره چک.
سیّد، غبار مقدمی اول سرو قامتین،
بیر طوطیادی، دیدۀ امیدواره چک.