جانیم فدا او قاتله، سیّد، کی اجرده

یوزدن چکنده ناز ایله، ماهیم، نقابینی،
تورپاق لارا فلک سالیر اؤز آفتابینی.
بیلمم کی، نعشه سین نه بیلیر، حق دئین، مئیین،
زاهد کی، دادماییبدی محبت شرابینی.
گؤز کیم، بو قدر گریه‌لر ائیلر، وضو قیلیب
ایستر کف نگاره جمالین کتابینی.
اول قدر شرم وار او بت نورسیمده کیم،
یوز مست اولا، شراب گؤتورمز حجابینی.
سایماق ستاره یاد قدینله شب فراق،
کؤنلومدن ائتدی محو قیامت حسابینی.
معلوم دور کی، هجرین اولور آخری وصال،
اما کؤنول گرک گتیره هجر تابینی.
آهوی چین اوزونده گؤروب تار زلفوو،
ائتدی فرار، آتدی چؤله مشک نابینی.
واعظ، شبی فراقدا گؤر حالیمی، سورا
تقریرایله خلقه جهنم عذابینی.
جانیم فدا او قاتله، سیّد، کی اجرده
یازمش ملک، هزار شهیدین ثوابینی.