هامی مسجید طرفه گئتسه اگر، ای سیّد

کیم کی، میخانه نی بو دهرده بنیاد ائتدی،
حق اونو شاد ائده کیم، عالمی دلشاد ائتدی.
سیل غم ائتمیش ایکن عالم امکانی خراب،
رحمت اول شخصه کی، میخانه نی آباد ائتدی.
بندۀ پیر مغانم کی، عنایت لر ائدیب،
اؤزلوگومدن منی بیر جام ایله آزاد ائتدی.
زاهدا، دختر رز امّ فساد ایسه اگر،
نخل انگوری نئچین حق اؤزو ایجاد ائتدی؟
هامی مسجید طرفه گئتسه اگر، ای سیّد،
بس نئچین پیر مغان میکده بنیاد ائتدی.