دون دولاندیم باشینا، سؤیلهدی پروانهدی بو،
زلفون آلدیم الیمه، گولدو کی، دیوانهدی بو.
حلقۀ زلفده گؤر خال سیاهین، ای دل،
بیری سی دام بلا دیر، بیری سی دانهدی بو.
عارض یاریما باخ، یوخدو گر عقلینده قصور،
واعظا، وصف بهشت ائیلهمه، افسانهدی بو.
سانما مسجید کیمی، بی صدق و ارادت گلمه،
ای گؤزوم، گؤزله ادب، گوشۀ میخانهدی بو.
بو دئگیل پردۀ عشاق و نهاوند و حجاز،
غولغوله ارشه سالان نعرۀ مستانهدی بو.
اویما زنتب لره، توت شه مردان یولونو
اله آل ساغر مئی، مشرب مردانهدی بو.
سیّدا، چک گؤزه ایوان طلا سورمه سینی.
جان یئتیب کامینا کیم، منزل جانانهدی بو.