دهانی سرّینی مخفی دئدیم سنه، سیّد

جفادی کاری دئیب اول نگاری قویما گئده،
الیندن اول صنم گولعذاری قویما گئده.
نه اعتبار کی، صیاده بیرده رام اولسون،
چکیب کمندوه سال اول شکاری، قویما گئده.
اگرچی یار دئیر قوی گئدیم، گئنه گللم،
یالاندی، یوخ سؤزونون اعتباری، قویما گئده.
دئدی فقیه منه، گئتمه یار کویینه،
دئدیم باجارسان اگر اختیاری قویما گئده.
یاپیش او توره یه کیم، تاری رشتۀ جان دیر،
کؤنول، بو گون سنی تاری، او تاری قویما گئده.
گئدر باهار هامی؛ یارو ساغرین، ای دل،
آییل، بو غفلت ایله نوباهاری قویما گئده.
دهانی سرّینی مخفی دئدیم سنه، سیّد،
دخی بودور سؤزومون آشکاری، قویما گئده.