منو
سیّد تکی ائتمه هوس بادۀ گولگون،
ای گول، نه روا دیر سنی مئیخواره دئسین لر،
بدنام دئسین لر سنی، آواره دئسین لر.
خلوت نه روا غیرایله، ای یوسف ثانی،
کیم، پیرهن عیصمتوی پاره دئسین لر.
خورشید مئی آردینجا سنی هر گئجه تا صبح،
ای ماه، نه لاییقدی کی، سیّاره دئسین لر.
هر قلبی قارا ناکس ایله ائیلهمه اولفت،
حیفا، سنی عالمده اوزوقاره دئسین لر.
سیّد تکی ائتمه هوس بادۀ گولگون،
قورخوم بودور، ای مه، سنی مئیخواره دئسین لر.