سیّد، اول شمع غمیندن گئجه‌لر صبحه کیمی

او قراگؤز کی، منیم عشقده سلطانیم دیر،
خاک پایی گؤزومه کؤه ل سیفاهانیم دیر.
نه پری صدمه سیدیر سرده، نه سودای جنون،
منی مجنون ائدن اول زلف پریشانیم دیر.
سانما کیم، عارض آلین خط ایله اولدو سیاه،
سنی، ای ماه پریچهره، توتان قانیم دیر.
قالدی جان، چکدی لر اول شوخون اوخون جسمیمدن،
ایله بیلدیم کی، اوخو قالدی، چیخان جانیم دیر.
گئتمه کج، ای دل شیدا، او حلال ابرونون،
گر دئسم ماه اوزون، عشقده نقصانیم دیر.
خیضر اول سبزخطین تنگ دهانین گؤرجک،
باسدی کیم باغرینا، بو چشمۀ حیوانیم دیر.
سیّد، اول شمع غمیندن گئجه‌لر صبحه کیمی
یانان احوالیما کیم، بو دل سوزانیم دیر.