ول تک آچیلیر خاطری، حالیمدان اولور شاد

تا شانه اولوب اولفت زلفوندن اولام شاد،
شادم کی، دؤنم خاکه، غباریم اولا شمشاد.
شادم کی، منی عشقده غمگین گؤروب اول شوخ،
گول تک آچیلیر خاطری، حالیمدان اولور شاد.
مرگیم منیم آساندی، ولی مشکل اودور کیم،
مندن سورا ائیلر کیمه جور اول بت ناشاد.
عالمده منم لیل اسرار حقیقت،
مجنونو منم مست قیلان، ایله ین ارشاد.
جزب ائیله‌مه صیدی اونو شور لب شیرین،
داغلاردا کولونگ چالماز ایدی باشینا فرهاد.
ساقی، ائله مخمور و خراب ائت منی مئی دن
کیم، اولمایا مقدور دخی ائیله مک آباد.
سیّد، یئتیشیب عالمه فریاد و فغانیم،
فریاد کی، تأثیر ائلمز اول گوله فریاد!