عشق دیر عالم آرا داره چکن منصوری

عشق دیرایله ین عالمده بلا لر ایجاد،
عشق دن دیر بو قدر عالم کون ایچره فساد.
عشق دیر مرشید کامل، اونا آفاق مورید،
عشقه شاگرد جاهان اهلی، او کامل اوستاد.
عشق دیر عالم آرا داره چکن منصوری،
عشق دیر قئیسی قیلان لعلی غمیندن ناشاد.
داغده صورت شیرینینی نقش ائیلر ایکن،
باشینا وردو کولونگون نیه آخر، فرهاد؟
سیّدا، عشق سؤزون سؤیلمه نافهم لره،
چکمه زحمت، نه بیلیر رتبۀ انسانی جماد.