یوز دئسین، فهم ائیله مز، بیدرده دردین دردمند

گرچی مندن ائتدی سرکش لیک او سرو سربولند،
تاپمیشام تسخیرینه آه دلیمدن بیر کمند.
اولموشام ایله نحیف اول نوش لب عشقینده کیم،
ضعف دن چیخماز نفس، نئی تک کسیلسم بند بند،
ای دل، اول بیدرده اظهار ائتمه درد عشقی کیم،
یوز دئسین، فهم ائیله مز، بیدرده دردین دردمند.
آتشین رخسارین اوزره خال هیندولرمیدیر،
یا کی، دفع زخم چشمه مجمره سالدین سیپند؟!
گیریۀ بی اختیاریم تلخ ائدیب اوقاتیمی،
بیر آچیلماز، حالیمی سورماز او لعل نوشخند.
جام توتدوم کیم، توتوب پیر مغانین پندینی،
کیم دئیر، دیوانه‌لر توتماز، کؤنول، عالمده پند؟
بیلمیرم مسجیددن، ای سیّد، نه گؤردون عاقبت
کیم، چکیب مسجیددن ال، میخانه نی ائتدین پسند