منده دیر بیر گول فراغیندان غم عالم هنوز

باغ لر سبز اولدو، اولماز خاطریم خرم هنوز،
گول آچیلدی، بولبول اولدو شاد، منده غم هنوز.
عالم اولدو شاد، بولبول وصل گول دن کامیاب،
منده دیر بیر گول فراغیندان غم عالم هنوز.
کوهکن داغ اوزره اولدو تیشۀ غمدن هلاک،
قاره گئیدیم، داغه باتدیم، ساخلارام ماتم هنوز.
آفتابیم، لعلینی بیر گئجه گؤرموش خوابده،
شوق دن دورلر تؤکر بو دیدۀ پرنم هنوز.
مهری اول ماهین سیرشته اولدو اول گون کؤنلومه
کیم، مخمر اولمامیشدی طینت آدم هنوز.
ای مسیحادن لبین جان بخش، لعلین دل روبا،
گؤرمه‌ییب سن کیمی بیر روح روان مریم هنوز.
گؤرموشم خواب ایچره بیر مدتدی قاشین تاغینی،
قددیم اول محراب شوقیندن قالیب دیر خم هنوز.
خال محرم، سورمه همدم دیر او ماهه، سیّدا،
من قرا بخت و قراگون اولمازام محرم هنوز.