ای لبین عاشیقه گول قند، گؤزون بیماری

مهر رخساروی دل ماه سمادن سئچمز،
اعتباری یوخ اونون، آغی قرادن سئچمز.
نه هنردیر کی، تانیر خوب لر ایچره سنی دل
هانسی بیر کس دیر او کیم، شاهی گدادن سئچمز
ای لبین عاشیقه گول قند، گؤزون بیماری
موته موشریفدی، دخی دردی دوادن سئچمز.
بسکی دل عاشیق گفتار شکربارین دیر،
ایستییر نطقوی، دوشنامی دعادن سئچمز.
دیلی دیوانه نی زنجیره چکرسن یئری وار،
عطر زلفون نه اوچون مشک ختادن سئچمز.
سن نه بت سن کی، ایا کعبۀ ارباب صفا،
مروۀ کویوی حجاج صفادن سئچمز.
دئمه سیّد، کی وفا ترکین ائدیب قیلدی جفا،
طفل دیر یار، هله ظلمو وفادن سئچمز