نولا کئچمز یوزوندن اول نگار آذری نین دل

چکر جاندان الین کؤنلوم لب دلداردن کئچمز،
کئچر مئیخواره عالمدن، مئ گولناردن کئچمز.
نولا کئچمز یوزوندن اول نگار آذری نین دل.
بی رحمن بوتدن ال چکمز، سمندر ناردن کئچمز.
شیتاب ایله کئچر چوخ خاطر اغیار اوچون مندن،
ولی بیر مندن اؤترو خاطر اغیاردن کئچمز.
کئچر پیر مغان هر بیر گناهی، کان رحمت دیر،
ولاکین جام مئی ترکین قیلان، هوشیاردن کئچمز.
شراب “البلا و لیلویلا” ان مست اولان عاشیق
کئچر منصور تک جاندان، بلای داردن کئچمز.
گؤزون گر ایچسه قانیم نازوی چکمک موناسیب دیر،
پرستاری اولان کس خاطر بیماردن کئچمز.
او تار زلفه، سیّد، قیلماز ایمان، محض کافردیر،
چکر تسبیح دن ال، رشتۀ زنّاردن کئچمز.