گل بزم زولئیخایه سن، ای یوسف ثانی

تیغ ائتسه خطین پاک سنه بیر ضر اولماز،
آیینه ده سئیقل اولا هرگز کدر اولماز.
گل بزم زولئیخایه سن، ای یوسف ثانی،
بو حسنو لطافتده دئسین لر بشر اولماز.
آغوشه چکیب عارض زیبانی شب و روز،
عالمده او زلفون کیمی بیر بختور اولماز.
سورما بو گئجه سلسلۀ زلف سیاهین
طولانی اولان قصه دی، بو مختصر اولماز.
یوخ دان آچیب آغزین وئریر آخردا جاوابیم،
پنهانی اولان ناله لریم بی اثر اولماز.
باغ دله اول نخل محبت کی، من اکدیم،
اوندان بیلیرم غیر بلا، بیر ثمر اولماز.
آت غمزن اوخون سیّده، ای قاشی هلالیم،
روین طعنه یوز اوخ آتاسان کارگر اولماز.