ملک دنیا عاقبت برباد اولور، ای هوشیار!

عالم عشق ایچره جانانین سئون جان ایسته مز،
باک ائدن جان و دلیندن وصل جانان ایسته مز.
ظلمت زلفونده دل خورشیده ائتمز التفاط،
مایل لعلین اولان کس آب حیوان ایسته مز.
ملک دنیا عاقبت برباد اولور، ای هوشیار!
مورجه عقلی اولان ملک سلیمان ایسته مز.
گوشۀ وحدتده گولزار حقه واصیل اولان،
خاردن ائیلر حذر، سئیر گولوستان ایسته مز.
گؤزلرین روشن ائدن شمع روخوندن، ای پری،
صبحه میل ائتمز، ضیای مهر رخشان ایسته مز.
ایسته مز عاشیق کی، خط توتسون عذار دلبری،
عشقده کامل اولان، اول ماهه نقصان ایسته مز.
سینه دن پئیکانلارین چکمه، دلی ائتمه خراب،
پادشاه عادیل اؤز ملکونو ویران ایسته مز.
ای طبیب، ال چک علاجیمدان، منی اینجیتمه چوخ،
عاشیق صادق اولان دردینه درمان ایسته مز.
بس ندن رخسارینا زلفون پریشان ائتدی یار،
گر بو قارا گون لری زار و پریشان ایسته مز.
سیّدا، سن ایله دایم شاه مردان وصفینی،
شاه مردان چشموی محشرده گریان ایسته مز