نه قدر کفر سر زلفوه دینین وئرمز

هانسی بار عاشیقه کیم، سن کیمی جانان اولماز،
بو مشخصدی کی، جسمینده اونون جان اولماز.
هانسی بیر شهرده کیم، سن کیمی غارت گر اولا،
شاهدم، شهرده بیللاه کی، ایمان اولماز.
نه قدر کفر سر زلفوه دینین وئرمز،
زاهدی – تیره نیشین هیچ مسلمان اولماز.
روخ گولگونه عبث گلدی بو خط سیهین،
یوخ داوامی، گوله ثبت آیۀ قرآن اولماز.
سنی گؤرسم اؤزوم ایله، حسدیمدن اؤلرم،
بو سبب دن دخی وصلین منه امکان اولماز.
منی بیر یئرده او ماه ایله دئیب خلقه رقیب
تاری شاهددی کی، بئیله قورو بهتان اولماز.
صفحۀ خاطره نقش اولدو جمالین عکسی،
شکرلیللاه، منیم چون دخی هجران اولماز.
وئردی سیّد او بوتون زلف پریشانینا دل،
جمع دیر خاطری، مین بعد پریشان اولماز