گر دهانین نقطۀ پنهان گمان ائیلر، غلط

کیم کی، آغزین غنچۀ خندان گمان ائیلر، غلط،
لعل نابین چشمۀ حیوان گمان ائیلر، غلط.
هانسی گوندن واقف اسرار غیب اولدو حکیم،
گر دهانین نقطۀ پنهان گمان ائیلر، غلط.
هاندا گؤرموش، یا ائشیتمیش باغبان روزگار،
کاکیلین گر سونبول و ریحان گمان ائیلر، غلط.
یوسفی بیر ذره حسنون قیلدی مشهور جاهان،
ائل سنی گر یوسف کنعان گمان ائیلر، غلط.
هر مرضده وار طبیبین شهرتی، اما اگر
درد عشقی قابل درمان گمان ائیلر، غلط.
طالب دنیا اولان دنیاده قالماز متصل،
عالمی گر ملک جاویدان گمان ائیلر، غلط.
هیچ سؤز یوخ شیخ شهرین قووۀ تشخیصینه،
سیّدی گر قابل عرفان گمان ائیلر، غلط.