رسم دیر اهل عزایم کیم، سالیرلار ناره خط

تا کی، گلدی ابر تک رخسار ماه یاره خط،
روزگاریم ائیله‌دی اول زلف لر تک قاره خط.
آتشین رخساره خطین گلدی کؤنلوم آلماغا،
رسم دیر اهل عزایم کیم، سالیرلار ناره خط.
گولسیتان کوی دلبر وصفی نین اینشاسینا،
کاتیب قدرت یازیب ریحان ایله گولزاره خط.
گلدی خط رخسارینا، عشاقه دگدی یاره لر،
گؤرممیشدیم کیم، بو سرّی قلبه ورسون یاره خط.
اشک گولگون دور میدادیم، خامئ مژگان ایله
یازدیم، ای گول، شام هجرینده در و دیواره خط.
خطی گلجک قتل عامه آچدی ال اول گول، مگر
حسن سلطانی یازیب دیر قتل اوچون سرداره خط.
قاره اولسون روزگاری خط یارین من کیمی،
تیره ائتدی روزگاریم، سیّدا، اول قاره خط.