سالدی لار مغلته یه گوهر غلطانی غلط

ائیله‌دی وصف کؤنول عارض جانانی غلط،
اوخودو طفل بو مکتبده “گولوستان”ای غلط.
ساندی گولده تاپیلیر نفخۀ زلف سیهین،
ائتدی هر فصلده دل سئیر بو بوستانی غلط.
صفحۀ عارضینه کاتیب قدرت او گولون،
بی مقام ائتدی رقم اول خط ریحانی غلط.
ساندی لار کیم دور دندانینا همتای اولور،
سالدی لار مغلته یه گوهر غلطانی غلط.
باغده آچدی یوزوندن او گول تازه نقاب،
چاشدیریب بولبول اؤزون، ائیله‌دی الحانی غلط.
قاش لارین “نون قلم”، زلفونو “واللیل” دئدیم،
دئدی لر کیم، اوخودون آیۀ قرآنی غلط.
“قاب قوسئین” اوخودوم ابروی یاری، سیّد،
وای او گوندن کی، مفسیر وئره معنانی غلط.