مسیحا تک مقامین خانۀ خورشید رخشان ائت

نه توتموشسان، کؤنول، غربت دیارین، عزم شیروان ائت،
تاماشای روخ یارایله سئیر کوی جانان ائت.
نه اولموشسان گرفتار قفس، ای طاییر قدسی،
چیخیب بو دامدن پرواز قیل، سئیر گولوستان ائت.
تعلق عالمیندن ال گؤتور، تجرید قیل حاصل،
مسیحا تک مقامین خانۀ خورشید رخشان ائت.
کؤنول وئر بیر نگاره، فارغ اول دنیا و عقبادن،
پریشانلیق بیناسین ایله ویران، فکر سامان ائت.
اگرچی چوخدو شیروان ایچره زیبا شوخ لر، سیّد،
ولی سن جانوی شوق ایله اسماعیله قربان ائت.