مردم دیده خیال ایله هم آغوش اولموش

مژده، ای دل، گله جک بو گئجه جانان خلوت،
وئره جک قالیب بی روحوموزا جان خلوت.
مردم دیده خیال ایله هم آغوش اولموش،
سانکی بوالقیسه ائدیب شرح سلیمان خلوت.
سینه مین داغ لرین من نئجه پنهان قیلیم،
اولومو، پادشهیم، هیچ چراغان خلوت.
خط گلیبمیش دئمه رخسارینا اول سیم تنین،
گتیریبمیش، نه بیلیم، کافری ایمان خلوت؟
وادیی وحدته گل، ای دل دیوانه، دخی
اولا بیلمز بو صفت هیچ بیابان خلوت.
چیخدی پیراهن چاکیله گولوستاندان گول،
سان، زولئیخا ایله ائتمیش مه کنعان خلوت.
گاه پیغام جفا، گاه بلای هجران،
سیّده یار قیلیر گونده بیر احسان خلوت.