دایم قیلیرام رشتۀ زنّاره محبت

اغیاری کی، گؤردوم ائلییر یاره محبت،
مین بعد گرک من ائدیم اغیاره محبت.
گر یار اوچون اغیاری توتوم دوست، نه عیبی،
گول خاطرینه ائیله‌میشم خاره محبت.
زلف سیه یاره شبیه اولدوغو یوزدن
دایم قیلیرام رشتۀ زنّاره محبت.
گر میلیم اولا شمع روخ یاره، نه نقصی،
عادتدی کی، پروانه ائدر ناره محبت.
قرباندی دل و جان سگ کویینه او ماهین،
مؤمن لر ائدر، رسمدی، زواره محبت.
خط گلدی روخ یاره، فزون اولدو ملالیم،
آخر گونومو ائیله‌دی گؤر قاره، محبت.
سیّد، او سیه زلف منیم اولدو طنابیم،
منصور کیمی چکدی منی داره محبت.