گولشنده هاجان گول ائله‌ییب خاره عداوت؟!

یارایله سه عشاق دلفکاره عداوت،
ممکن دئگیل عاشیق ائله سین یاره عداوت.
گر قانیمی ایچسه منیم اول دلبر خونخوار،
من کافیر اولوم، ائتسم او خونخواره عداوت.
خار ائتمه منی هجرین ایله، ای گول بی خار،
گولشنده هاجان گول ائله‌ییب خاره عداوت؟!
سلمانینام، ای احمد مختار زمانه،
سلمان ائلمز احمد مختاره عداوت.
بیر کره عداوت ائله سم من سنه، ای گول،
یوز کره ائدیم حیدر کراره عداوت.
بولبول گوله ائیلر گیله، ای نوگول رعنا،
هرگز ائلمز گولشن و گولزاره عداوت.
یاندیردی گئجه شمع شبستان پرو بالین،
پروانه هاچان ائتمیش ایدی ناره عداوت؟
کؤنلومه دولوب مهرین، عداوت یئری یوخدور،
تک سن ائلمه سیّد بی عاره عداوت.