ئتمه سین تاری سنه کافری، یا رب، محتاج!

منقلب اولدو حوادثله من زاره میزاج،
ای مسیحانفسیم، قیل من بیماره علاج!
روشن ائت خانه میزی بیر گئجه تشریفینله،
ای جمالی فلک حسنه سیراج وهاج.
آب کوثر لب شیرین نینه نسبت، گویا
بیریدیر ازب فرات و بیریدیر میله اوجاج.
توتموسان دهرده سن هیچ مسلمانین الین؟
ائتمه سین تاری سنه کافری، یا رب، محتاج!
شمع پروانه نی یاندیرماز ایدی، اما سن
یاندیریب عاشیقی، ائتدین بونو عالمده رواج.
لشکر زنگ و حبش توتدولار اطراف روخون،
دخی موشگولدو بو گون کعبه یه گئتسین حجاج.
دانۀ گندوم خالینه طمع ائیله‌مه کیم،
سیّدا، جنّت کوییندن ائدرلر اخراج.