منو
اول گول یانیندا قالمادی بیر اعتباریمیز
گلدی باهار، گلمهدی اول گولعذاریمیز،
یا رب، گؤروم خزانه دؤنه نوباهاریمیز.
سالدی آرایه تفرقه گولچین روزگار،
اول گول یانیندا قالمادی بیر اعتباریمیز.
گول گول دییب سرشک تریم، چشم خونفشان،
ای سرو، لاله زاره دؤنوبدور کناریمیز.
ظنیم بودور کی، حشرده شاهینی سین دیرا،
سنجیده اولسا اجر شب انتظاریمیز.
بیز بیر قطار ناقه اریک دشت عشقده،
لاکین دوشوبدو ناکس الینه مهاریمیز.
دئرلر کی، وئرمه اول مه بی مهره اختیار،
ایله بیلیل لر الده قالیب اختیاریمیز.
گؤردو او تار ترۀ پرپیچ و پرخمی،
سیّد، کمنده دوشدو دل بیقراریمیز.