کعبه و دئیر و نه مسجید، نه کلیسادی غرض

باغ عالمده منه بیر گول رعنادی غرض،
بیر قدی سرو، اوزو لالۀ حمرادی غرض.
احد و احمد و محمود و ابولقاسیمدن،
ظاهراَ ایسمدی، اما کی، مسمادی غرض.
ای کؤنول، جلوه گهی – دوست و سجده گهیمیز،
کعبه و دئیر و نه مسجید، نه کلیسادی غرض.
صورت ظاهره هرچند کی، وار رغبتیمیز،
لیک الفاظ اوخوماقدان بیزه معنادی غرض.
بولبول ایستر گولو، پروانه سئور شمع، ولی
بیزه نه شمع، نه ای دل، گول رعنادی غرض.
خلق انساندا نه صورت، نه هیولا، سیّد،
نکتۀ مختفیی سرّ سوئیدادی غرض.