جملۀ روضۀ رضواندا تاپیلماز بئله گول

ایسترم بیر گولو نه باغ و نه بوستان گولودور،
بولبولم بیر گوله کیم، روضۀ رضوان گولودور.
عشقیمی ائیله‌مه نسبت اؤزوه، ای بولبول،
او سنین ایستدیگین فصل گولوستان گولودور.
جملۀ روضۀ رضواندا تاپیلماز بئله گول،
گول خوشرایحه دیر، چونکی بو قازیان گولودور.
بو گول خلقت خالقده لطافت چوخدور،
سانما کیم، بو گول خوشرایحه سلیان گولودور.
ای خدا، کیم چکر آخردا گولابین بو گولون،
درد سر دفینه عالمده بو، درمان گولودور.
عرق روی محمددن اولوب گول ظاهر،
بو گول تازه مگر، اول شه دوران گولودور.
یا محمد اؤزودور، گول عرق پاکی اونون،
روخ زیبای دل آراسی بونون جان گولودور.
صلوات ایله گؤروب صورت پاکین، سیّد،
روخ حمراسی بونون خالق صبحان گولودور.