همیشه شعر دئیب، مئی ایچیب، جاوان سئوریک

بو گونکو بزمده جام شرابیمیز یوخدور،
قارا اولوب گونوموز، آفتابیمیز یوخدور.
حدیث حسنو محبتدی درسیمیز کی، بیزیم
جمال یاردن اؤزگه کتابیمیز یوخدور.
عجبمی نامۀ اعمالیمیز قالیرسا سفید
کی، ثبت اولونما لی جورم و ثوابیمیز یوخدور
همیشه شعر دئیب، مئی ایچیب، جاوان سئوریک،
زیاده فعله بیزیم ایرتیکابیمیز یوخدور.
علی محبتیدیر قلبیمیزده نقطۀ عشق،
تغییورایله منیک اینقیلابیمیز یوخدور.
نه غم موحاسیبۀ روز حشردن، سیّد،
سؤاله لاییق اولان بیر جاوابیمیز یوخدور.