شانه یه عرض ائتمیشم چاک درونوم، ولی

حالیمی بیل، ای صبا، ائتمگه جانانه عرض.
بولبول بی دل غمین ایله گولوستانه عرض.
زلفو خیالی منی قیلدی پریشان، صبا،
ایله بو احوالی اول زلف پریشانه عرض.
شانه یه عرض ائتمیشم چاک درونوم، ولی
ایله یه بیلمز گئدیب کاکیلوه شانه عرض.
جنّت کویینده بیر آدم ایدیم من، ولی،
ایندی گؤروب ذلتیم، قیل او پری شانه عرض.
بیژن کؤنلوم قالیب چاه بلاده اسیر،
ایله بو حالی صبا، روستم دستانه عرض.
قوی منی عرض ایلییم اول گولومه حالیمی،
ائتسه گدا، عیبی یوخ، حالینی سلطانه عرض.
کیمسنه دن اولمادی دردینه، سیّد، علاج،
ائیله‌مه هر ناکه سه حالوی افسانه عرض.