خوب لردن نئجه سنسیز ائلییم کؤنلومو شاد

هانی بیر جوهر اولا بادۀ صهبادن عوض؟
مورده‌لر زنده قیلان کیمدی مسیحادن عوض ؟
گر مورککب ائده سن عالمین عجزالارینی،
اولا بیلمز مئ گولفام موصفادن عوض.
خوب لردن نئجه سنسیز ائلییم کؤنلومو شاد،
عالم صورتی کیم ائیله‌دی معنادن عوض.
گؤره سن ذات حق اثباتینا، ای ایبراهیم،
مه وخورشید اولومی ساغرو مینادن عوض ؟
سانما کیم، غیر سنه من کیمی اولسون، ای گول،
اولومی زاغ و زغن بولبول شیدادن عوض ؟!
هر مکاندا ائله‌ییب چونکی تجّلا روخ یار،
عیبی یوخ مسجید اگر اولسا کلیسادن عوض.
سیّدا، ائتمه رها پیر مغان. دامنینی،
کیم دیر اول کس کی، اولا حضرت مولادن عوض.