حسن و عشق و عاشیق و معشوق بیردیر، ای کؤنول

ایسم اؤزو بیر ایسم دیر، اما مُسمّا مختلیف،
گوهر شهوار بیردیر، لیک دریا مختلیف.
ایخطیلاف رای ایله هر کیمسه بیر معنا وئریب،
لفظ اؤزو بیر لفظدیر، اما کی، معنا مختلیف.
عالم پیر و جاوان اولدو موقیید رنگ ایله،
اول سبب دن دیر اولوب، ای دوست، اسما مختلیف.
بحر وحدت موج ائدیب، تیشره داغیلدی قطره لر،
اولدولار اول قطره لردن دور لالا مختلیف.
وحدته ایله نظر کیم، چیز واحددیر هامان،
گرچی صورتده اولوب فرعون و موسی مختلیف.
نور – عین ناردیر، هم نار – عین نوردور،
دوزخ و جنّت اولوب صورتده، جانا، مختلیف.
حسن و عشق و عاشیق و معشوق بیردیر، ای کؤنول،
سیّدا، هرگز دئگیل عالمده اشیا مختلیف.