ال چک، دئدیک، اول ماه دن، ال چکمه‌دی سیّد

بیر ماهی سئویب، چرخه تمنادن اوساندیق،
بو دشمن کج بینه مودارادن اوساندیق.
اول لاله روخ اولماز بیزه نه دوست، نه دشمن،
اغیارایله بیهوده بو غوغادن اوساندیق.
بولبول، سنین اولسون دخی گولزار محبت،
بو باغده بیز اول گول رعنادن اوساندیق.
دیوانه اولوب دامن صحرا لره دوشدوک،
بیز سلسلۀ زلف چلیپادن اوساندیق.
باشدان یئره قویدوق هوس بادۀ نابی،
آتدیق آیاغ الدن، مئی صهبادن اوساندیق.
بیز قصۀ شیرین ایله فرهادی اونوتدوق،
افسانۀ مجنون ایله لیلادن اوساندیق.
ال چک، دئدیک، اول ماه دن، ال چکمه‌دی سیّد،
بیز ال چکیب، اول عاشیق روسوادن اوساندیق