ایچمیشیک خومخانۀ اَحبَبتُ جامیندان شراب

تا دهانین سرّینه پنهان طلبکار اولموشوق،
یوخ اولوبدور واریمیز، درده گرفتار اولموشوق.
نبزیمیزدن چکمز ال، ای ماه، بیر ساعت طبیب،
حسرت چشمینله اول گوندن کی، بیمار اولموشوق.
وار ایدیک اول لحظه کیم، یوخ ایدی ارض و آسمان،
ای دهانین صدقه سی، یوخ دان مگر وار اولموشوق؟
چکدی لر بازاره اول گون کیم، امانت گوهرین،
جان و دلدن ال چکیب بیزلر خریدار اولموشوق.
بیزده استحقاق یوخ، بو نه کرم دیر بیلمیرم،
خلقت ایجاده بیز هاردان سزاوار اولموشوق؟
یوخدور، ای آرام جان، سنسیز وجوده بیر اثر،
فعل اؤزون، فاعیل اؤزون، بیز نه گونه کار اولموشوق؟
ایچمیشیک خومخانۀ اَحبَبتُ جامیندان شراب،
سیّدا، سرمست ایکن عالمده هوشیار اولموشوق.