چکدی لر یوسف کنعانی گئنه بازاره

ائتدیگیم ناله‌لر اولمازدی بو سئوداده تلف،
سینه م اولسایدی گر اول ناوک مژگانه هدف.
بو امید ایله کی، غمزندن آلا کام دلین،
دوزولوب گؤزلریون دورونه مژگان صف صف.
یازدی “وللیلی ایضا” صفحۀ رخساروه خط،
او بیازه بو سواد ایله فزون اولدو شرف.
آلمامیش آب دو چشم ایله وضو عاشیق زار،
باخا بیلمز اوزوه، ای اوزو رشک مصحف!
دور اشکیمه نولایار خریدار اولسا
کی، بو دوردانه یه بحرین دو چشمیمدی صدف.
رده لازیمدی رباب، ائتمه مغنّی، دفعه زور
کی، کؤنول دن غمیمی دف ائلمز نغمۀ دف.
چکدی لر یوسف کنعانی گئنه بازاره،
سیّدا، ساخلاما جانی، نه گرک دیر بو خزف.