مرادین خاطر جانانی یاندیرماقسا فریاد ائت

آلیشدیم اودلارا، آلدیم دل دیوانه دن آتش،
دوشوبدور عالم امکانه بو کاشانه دن آتش.
دئدیم: خطین دیشردی، کؤنلومو وئر، ای مه تابان،
دئدی: آخشام وئرمک خوش دئگیل دیر خانه دن آتش.
اگر دل یانماسایدی یاخماز ایدی قلب جانانی،
عجب حالتدی کیم، شمعه دوشوب پروانه دن آتش.
او خال فیلفیلین، ای گول بدن، یاندیردی عشاقی،
دوشوبدور خرمن اهل دله بیر دانه دن آتش.
شیتا دیر، ساقیا، مجلس آرا قلب شیتا خوش دور،
بساطی گرم قیل، گؤستر بیزه پیمانه دن آتش.
گهی هجرین، گهی وصلین ورار اود قلب سوزانه –
کی، هئچ اسکیک دئگیل بو گوشۀ ویرانه دن آتش.
مرادین خاطر جانانی یاندیرماقسا فریاد ائت –
کی، سیّد، خالی اولماز سوفرۀ مستانه دن آتش.