بیر زخم جانستانلا منی ائیله‌دی هلاک

دون قسمت اولدو چشمیمه خالین نظاره سی،
ساندیم یانیبدی چرخده بختیم ستاره سی.
یوز گون سالیر آرایه فلک سنگ تفرقه،
ساز اولسا بیر گون عاشیق و معشوقون آره سی.
مندن آییردی چرخ او قاشی هلالیمی،
یاندیرسا چرخی، وار یئری، آهیم شراره سی.
دون گئجه خط و خالوه باخدیم او قدر کیم،
ای زلف قاره، گؤزلریمین گئتدی قاره سی.
گئتمک قاشین خیالی کؤنول دن محال دیر،
محشر اولا ساغالماز او شمشیر یاره سی.
بیمار عشقه وئرمه داوا لر عبث، طبیب،
اؤلمک دن اؤزگه یوخدو اونون هیچ چاره سی.
اول قاشی یایین اوخلارینی چکمه سینه دن،
چکسن سالیر جاهانه خلل قان فواره سی.
آغزین خیالی ائتدی وجودوم عدم، منیم
یوخ اؤزگه بیر غمیم، بو سؤزون آشکاره سی!
بیر زخم جان ستانلا منی ائیله‌دی هلاک،
جان وئردی، سیّدا، گئنه زخم دوباره سی.