نه بیلسین بی بصرلر قیمتین اشعار جان بخشین

سنه اولسایدی، ای گول، یوسفین فی الجمله اوخشاری،
اولوردو نقد جان ایله جاهان اهلی خریداری.
او ماه زر فروش ون قالمیشام دیدارینا حسرت،
هجوم مشتری دن گرم دیر ازبس کی، بازاری.
گلیر اول یوسفین بازارینا زال فلک هر گون،
گئجه تا صبح کوکب لردن ائیلر جمع دیناری.
عیار نقد عشقی، ای کؤنول، صراف اولاندان سور،
بروز ائیلر محکده سیم نابین قدر و مقداری.
نه بیلسین بی بصرلر قیمتین اشعار جان بخشین،
آپار صرافه گؤستر، سیّدا، بو دور شهواری.