گؤردو گؤزوم کی، یاری گلیر آغلایاندا من

دئرلر کی، خلق اوچ یوز ایلی آدم آغلادی،
انصاف ائتمه‌ییب بابامیز، چوخ کم آغلادی.
اولسا حیاتیم آغلار ایدیم روز حشره تک،
اوچ یوز ایلین نه بحجتی کیم، آدم آغلادی؟
من آغلایاندا کوثره یوز وئردی یوز ملال،
کعبه گئیب لباس قرا، زمزم آغلادی.
گه اوجو گه هزیزده گؤردو فغانیمی،
مطرب نه وقت ائیله‌دی زیل و بم، آغلادی.
دوشدوم جدا چو جنّت کوییندن اول مهین،
حالیمه اولدو جن و پری همدم، آغلادی.
گؤز یاشی ایله خرم او سروی ائدیب کؤنول،
بیر لحظه گؤرمه‌دی اؤزونو خرم، آغلادی.
گؤردو گؤزوم کی، یاری گلیر آغلایاندا من،
سیّد کیمی سرشک تؤکوب پی هم آغلادی.