منو
بو ملکون عشرتینی، سیّدا، غنیمت بیل
یانیمدا ائیله‌مه ین عیب او ماه تابانی،
کؤنول سئون گؤزلین اولماز عیب و نقصانی.
او زلفه دل وئرنی خاطریم اولوبدور جمع،
ملامت ائیله‌مه ین چوخ دا من پریشانی.
عذار یاریم آرا فوج خطدی، یا بیلمم،
سپاه روس توتوب ملک آل عثمانی؟!
سپاه حرب قاراداغ ائدیبدی روما هجوم،
و یا کی، لشکر خط توتدو روی جانانی.
حبابلرمیدی موج سرشکیم ایچره و یا
قارا دنیزده واپرلار آچیبدی یئلکانی.
خدنگ یاره گؤزوم خون دلدن ائتدی قضا
کی، شاهسئون توتار، آری، عزیز مهمانی،
بو ملکون عشرتینی، سیّدا، غنیمت بیل
کی، تاپماسان دخی جنّتده ذوق شیروانی.