منو
نچیدیر شعرده بیخود سنه همتا اولسون
تؤکولور گؤزلریمین، خطینی گؤرجک، یاشی،
چوخ تعجبدو بولود سبزه دن اولموش ناشی.
یئنی آی چکدیمی چرخ اوزره فلک نقاشی،
یا سالیب عکس او مه چاردسالین قاشی؟
سایۀ نخل قدین سروه دوشندن، ای گول،
اوجالیب دیر فلکه فخرایله سروین باشی.
قویدو طعنها منی بو بادیۀ محنتده،
یوخدو مجنوندا وفا، گؤزلمه‌دی یولداشی.
گئجه گوندوز کی، اؤزو مست ریا دیر زاهد،
بعددن بس نه اوچون منع قیلیر اوباشی؟
کعبه ده اولسا دا زاهد کی، طواف ائتمزدی،
سنگ میخانه دن اولسایدی اگر بیر داشی.
نچیدیر شعرده بیخود سنه همتا اولسون،
سیّدا، پخته ایلن تن گله بیلمز ناشی.