وار امیدیم کی، نصیبی اولا آب کوثر

گؤره سن کیم نه ایمیش حؤرمت صهبایه سب
کی، حرام ائتدی بو جان جوهرینی شاه عرب.
مست لیک دیر سب حورمتی گر صهبانین،
غیر صهبا دخی بو مستلیگه چوخدو سب.
وار امیدیم کی، نصیبی اولا آب کوثر،
رزنشانلیقدا کی، دهقان بو قدر چکدی تب.
میوه سی اوخشاماسایدی لبینه دلدارین،
باغبان اکمز ایدی باغده بیر نخل رطب.
اورگیم قان، سرشکیم مئ گولگونه دؤنر،
لب عنابینه هردم کی، دگه ما انب.
اودو سندل نه گرک، نکهت زلفون خوش دور،
گولروخوم من دئگیلم دهرده حمال هتب.
سیّدا، قویماز ایدی شاخ گول اوسته قدمین،
بولبول مست ده اولسایدی اگر رسم ادب.