عشقده بیدردلر ائیلر تعجب حالیما

غمزه پئیکانین چکیب هردم بیزه، ای نوش لب،
بی سب قان تؤکمک ایسترسن، ندیر آخر سبب؟
واعظا، مئیکش لره دایم غضب دیر عادتین،
قورخ او گوندن کیم، سنه پیر مغان ائیلر غضب.
عشقده بیدردلر ائیلر تعجب حالیما،
یوخسا بو کشورده بیر درد اهلی یوخدور، بوالعجب.
گؤزلرین، ای سنگ دل، سیندیردی کؤنلوم شیشه سین،
مست لر بزمینده اولمازمش مراعات ادب.
دهر آرا بیر گول یئتیردیم، دردی گولچین عاقبت،
کامه یئتدی بی طبع اغیار، من چکدیم تب.
گاه و گر دل ایستییر بوسه اوزوندن، وجهی وار،
اؤز فقیرین دیر کی، قوت لایموت ائیلر طلب.
مطربا، لحن حجاز ایله سرودون ساز قیل،
تا محمد عشقینه سیّد بو شب ائتسین طرب.