تن زاریمدان آل یا، ای خدا، بو جان ناشادی

چیخیر جان جسمدن، بیر دم یئتیر جانانیمی، یا رب!
گؤروب رخسارینی تسلیم ائدیم بو جانیمی، یا رب!
گؤروب رخسارینی نذر ائتمیشم کیم، جان ائدیم قربان،
یئتیر یاری، قبول ایله منیم قربانیمی، یا رب!
تن زاریمدان آل یا، ای خدا، بو جان ناشادی،
مبدل قیل وصال یاره یا هجرانیمی، یا رب!
تنور پیرزندن بدتر اولدو چشم خونپاشیم،
جاهان غرق اولدو، ساکت ایله بو طوفانیمی، یا رب!
تؤکیدی قانیمی، آزاد اولایدیم درد هجراندان،
گتیر بیر رحمه اول بیدادگر سلطانیمی، یا رب!
امیدیم وار کیم، گؤرسه فغانیم رحم ائده دلبر،
یئتیر اول ماه بی مهره منیم افغانیمی، یا رب!
توتوب خط رویین، اولدو فیتنۀ دور قمر پیدا،
خطادن حیفظ قیل بو سیّد نالانیمی، یا رب!