اؤلدورمه سه اگر اؤزونو، هیچ آری یوخ

من تک باهارده هر او شخصین کی، یاری یوخ،
بیر بولبول فلکزه ده دیر کیم، باهاری یوخ.
اول کس کی، یارینی گؤره اغیاره یار اولوب،
اؤلدورمه سه اگر اؤزونو، هیچ آری یوخ.
چوخ کیمسه نین اگرچی کسیب دیر قرارینی،
امّا منیم تکی او گولون بیقراری یوخ.
بنزر او نخله کیم، اولا بی سایه و ثمر،
هر دلبرین کی، عاشیقه بوسو کناری یوخ.
سیّد، هانی شرابین، اؤتور فصل نوباهار،
بیرده باهاره چیخماغی نین اعتباری یوخ.