منو
کوی جانانه یئتیشمکسه مرادین، سیّد
گؤستریر مسجیدی زاهد کی، بو ایمان یولودور،
بونو دا بیل کی، کؤنول، مئیکه ده عرفان یولودور.
کعبه یه اهل حقین باطن دلدندی یولو،
غیری یول گئتسن اگر، قول بیابان یولودور.
قورخورام گئتمه یه سن کعبه یه، ای اعرابی!
گئتدیگین راه مخالفدی، بو شیطان یولودور.
توت کؤنول، آل علی دامنینی، ائیلهمه غم،
گئت بو یول دان کی، بو یول بوذر و سلمان یولودور.
دئمه میخانه یولون راه ذلالت، واعظ!
اوغلون اؤلسون، بیر آییل، بو شه مردان یولودور.
کوی جانانه یئتیشمکسه مرادین، سیّد،
ترک جان ائیله مک اول منزلین آسان یولودور