غم دلداری پنهان ساخلا دلده جاندان، ای سیّد

دئمک حال دل زاری او گولرخساره مشکل دور،
مباده اینجییه قلبی، بو درده چاره مشکل دور.
دئسم یار اؤلدورور، دردیم دئمزسم درد پنهانی،
علاج چارۀ درد دل صدپاره مشکل دور.
اگر بورقه عذاره سالماسان، ای چشمۀ خورشید،
شعاع عارضیندن حسنوه نظاره مشکل دور.
امید کعبۀ دیدارین ایله اولموش آواره،
یئتیشمزسه اگر دل دولت دیداره، مشکل دور.
سرشکیم میل کویین ایلمیش، وئرمز رقیبیم یول،
مخوف اولسا اگر یوللار، گذر زواره مشکل دور.
رقیبا، شعلۀ نار فراغیندان هراسیم یوخ،
تصور ائتمه کیم، پروانه یانماق ناره مشکل دور.
غم دلداری پنهان ساخلا دلده جاندان، ای سیّد
کی، محرم ائیله مک بیگانه نی اسراره مشکل دور.