سیّد کیمی جاهاندا آییلماز خوماردن

هر دم کی، مئی دن اول بت طناز مست اولور،
درد تغافول ایله کؤنول لر شکست اولور.
گر مئی بو ایسه، ساقی سی اول قاره گؤزلو یار،
زاهد ساتیب عمامه سینی، مئی پرست اولور.
عاشیق دئگیل اگر اوزووه گون، نه دن دی بس،
هر گون دوشوب آیاغوون آلتیندا پست اولور؟
بو قاره زلفو کاکیل میشکین کی، سنده وار،
گر جبرئیل گؤرسه اونو پای بست اولور.
سیّد کیمی جاهاندا آییلماز خوماردن،
هر کیم کی، مست بادۀ جام الست اولور.