سیّدا، تار سر زلفو گؤزومدن گئتدی

سینه دن گوشوما فریاد دل زار گلیر،
دردی آرتیبدی، گئنه نالۀ بیمار گلیر.
بیلدی، گؤرسم روخ آلین فرحیمدن اؤلرم،
شاد مرگ ائتمگه اؤز عاشیقینی یار گلیر.
غم هجرانه دئدین، صبر ائله سن، ای ناصح،
سنه آسان ایسه بو ایش، منه دشوار گلیر.
هانسی بیر عضووی تعریفه ائدرسم ایقدام،
اوّلاَ آغزیما اول لعل شکربار گلیر.
اثر بادنی گؤر کیم، ییخیلیب مست اولورام،
نه زامان فکریمه اول گؤزلری خوممار گلیر.
دیل گلیر بوسه اوچون دور خطینده درینه،
شرم ائدن سایله بنزر کی، شب تار گلیر.
اؤلمه گیم خوشدو رقیب ایله سنی گؤرمک دن،
گزمه غیرایله، منیم غیرتیمه عار گلیر.
سیّدا، تار سر زلفو گؤزومدن گئتدی،
ماسیوا، تاری بیلیر کیم، گؤزومه تار گلیر.